X
|
یارالی دورنا
شعرهای آذری ترکی ودلنوشته های فارسی
| ||
|
یک شعر دوبیتی تقدیم به تمام مادران دنیا به مناسبت روز مادر
مادر ای گوهر دریای وجود ای به پای تو جهان کرده سجود گوش من قصه و افسانه شنید چون تو بهتر زجهان هیچ نبود
[ سه شنبه دهم اردیبهشت 1392 ] [ 15:3 ] [ سیدجهانبخش شفیعی ]
بیر تورکی شعر آنالارگونونه خاطیر آنا سنه کج باخدقیم زاماندا بوتون گوللر باغچه لرده سولایدی بیر آنده چئوریلیب یاز قیش اولایدی چمن چیچک تئللرینی یولایدی نه اولوم اولایدی نه دا کی هجران زامان دایانایدی گئتمایدی بیر آن آناسیز قالمایدی هئچ زامان انسان آنانین مین ایللیک عومرو اولایدی هربیر آنا آرزوسونا چاتایدی اوتوردوقو یئرده گوللر بیتایدی غصه کده ر اوره گینده ایتایدی هرزامان دانیشیب اوزو گولایدی جهانبخشم سندن حیات آلمیشام من دویغودان سندن آلچاق قالمیشام نئجه سنه من سوز قوشوم قالمیشم سنه خاطیر کاش مین دیلیم اولایدی
[ سه شنبه دهم اردیبهشت 1392 ] [ 14:49 ] [ سیدجهانبخش شفیعی ]
بیر دونیا ائستک وار قلبیمده منیم
دونیا دییشسه ده دییشمام اونو سوسوزدان اولسامده نامرد الیندن نه قده ر دئسه لر ایچ ایچمام اونو زامان بئله گلیب ائسته ک آزالیب کده ر میدان آچیب قهر دوزالیب آلچاخ آداملارین کئفی سازالیب دئسه ن سوروش کئیفین سوروشمام اونو چوره ک غمی دوشوب بئله باشلارا کیمسه گوزه باخمیر کامان قاشلارا گوزللیک یاراشدی قاراداشلارا شعریمی دئیه رم دییشمام اونو
[ شنبه سی ام دی 1391 ] [ 20:29 ] [ سیدجهانبخش شفیعی ]
بو شعر مرحوم شیخ مصطفی ادیب طارمی نین شعر لریندندیر کی کئچه ن ایل محرم آییندان او مرحومون اوصافینده ن بو بلاگدن گتیرمیشدیم و بو ایل گینه ده اوندان یاد ائیلر کن گوزه ل بیر شعرینه ن بلاگیمی تبرک ائتمه لی یام
کونلوم قوشو صفای گلستانه ناز ائده ر نطقه گلنده بلبل خوشخوانه ناز ائده ر گول لر اولوب شکفته گینه لاله زاریده اگمیش بنفشه بوینونی ریحانه ناز ائدر گویا دروبله بیر گولون غنچه لر خاموش پروانه وار شمع شبستانه ناز ائده ر گوردی رباب اصغر لب تشنه جان وئریر گه ال آتار اوسینه سوزانه ناز ائدد ه ر سورگین دوداقلارینه سودامر بالا گویا مقام قربده پستانه ناز ائده ر میدانه گلدی سسلدی ای قوم بیحیا بیر طفلیدور بو قادر سبحانه ناز ائده ر بیر جرعه سو وئرون قورویوبدور دوداقلاری ایندی بهشت عدنده رضوانه ناز ائده ر سعد اوغلی وئردی حرمله یه حکم قتلینی گوردیله آغ بوغازیده پیکانه ناز ائده ر اوچ شعبه اوخ کمانه قویدو آتددی حرمله پیکان دگنده حنجر عطشانه ناز ائده ر توتدی او قانی سپدی سماواته شاه دین هر قطره شفاعت عصیانه ناز ائده ر اولدی حزین کلب مولی بو درگهه تعلیمی واردی زاده سلطانه ناز ائده ر دئمه لی یم بو شعر بیر قدیم دستخط ده الیمه دوشدو یازدیم بیر بیت شعری تاسفله او خویا بیلمه دیم و غلط یازماقین عوضینه هئچ یازماماقی صلاح بیلدیم . آلله بو شاعری رحمت ائیله سین و آقاسی امام حسینیله محشور ائیله سین (آمین)
[ پنجشنبه دوم آذر 1391 ] [ 21:11 ] [ سیدجهانبخش شفیعی ]
فارسلاردا بیر مثل واردیر بو عنوانیله کی: آنچه شیران را کند روبه مزاج احتیاج است احتیاج است احتیاج . منده اوز دیلیمیزله چالیشمیشام بیر شعر یازیم کی آشاقدا گلیر. اصلانلارا تولکو دونون گئیدیران من بیلیره م آدی اولار احتیاج مین تاپداقا مین لرینی سالدیران من بیلیره م آدی اولار احتیاج قارتالی دا گویدن یئره اندیرار اینسانلارین بئلین اگیب سیندیرار اوزو مینار چاپار آتی گزدیرار یامان چاپار گئده ر گلر احتیاج بد اصیلی اصیله سرور ائده ر یونگول لری آغیرلره سر ائده ر نانجیبی نجیبه همسر ائده ر باخ گور نئجه موذی اولار احتیاج ائدیب جهانبخشی گور نئجه دوشگون الین چکمز اوندا بیر ایککی اوچ گون بلکه او بینوا بیر گوره خوش گون ازلدن اونا یار اولار احتیاج [ یکشنبه بیست و یکم آبان 1391 ] [ 14:52 ] [ سیدجهانبخش شفیعی ]
بیری وار ظلم ائدیر گوز گوره گوره
آغزین آچیب عدالتدن دم وورور اماملارین سایین بیلمیر نئچه دی علی دن دانیشیر حقدن دم وورور بیری وار دوغرونی یالانی بیلمیر یاخچی نی تانیمیر یامانی بیلمیر آبروسین ساتیبدی حیانی بیلمیر ناموس دن غیرتدن عاردن دم وورور بیری ده نمازین دوزونه قیلمیر هئچ کیمین گوزونون یاشینی سیلمیر دنیاسین بزه ییر آخرت بیلمیر ساققال قویوب دین ایماندن دم وورور آیاق یالین اللی ائلی دولانیر غنچه دهن ساری تئلی دولانیر قاشی کمان اینجه بئلی دولانیر پیغمبر دن شریعتدن دم وورور بیری تکجه ظاهرین تمیزله دیر اوز عالمیندن اوزون عزیز له دیر سفره سین آچماییر چوره ک گیزله دیر آمما گلیب دوزچوره کدن دم وورور بیری ده وار اوزو قالیب ایشینه باغلامالیدیر اوکوزون هئشینه اصلا بیلمیر آرواد نه دی کیشی نه کیشیلیقدن دئییر اردن دم وورور بیری جهانبخش تک ائلچین چالیشار ائلینین غمینده یانیب آلیشار یئری گلسه آغزین آچیب دانیشار دم ده وورسا اوز ائلیندن دم وورور برچسبها: دم وورور, عدالت, ناموس, چوره ک [ چهارشنبه هفدهم آبان 1391 ] [ 15:41 ] [ سیدجهانبخش شفیعی ]
چمنسیز باهارین چیچکسیز یازین
نه یینه وورولوم نه یی گوزه لدی؟! وفاسیز دلبرین عشوه سیز قیزین نه یینه وورولوم نه یی گوزه لدی؟! چکیره م حیاتدا مین جوره ظولوم بئله گونلریمه من نئجه گولوم بو دونیا کی منه پای وئریر اولوم نه یینه وورولوم نه یی گوزه لدی؟! قوی دئییم سوزومی ائتمه ییم گیزین بو گون اوتوردوقوم اوستونده میزین صاباح کی بیلیره م اولاجاق سیزین نه یینه وورولوم نه یی گوزه لدی؟! اوزو ناحق حقدن مایه قویانین خالقیمی آهیله وایه قویانین ظولومکار انسانین خلقی دویانین نه یینه وورولوم نه یی گوزه لدی؟! [ چهارشنبه دوازدهم مهر 1391 ] [ 9:11 ] [ سیدجهانبخش شفیعی ]
آذربایجانین زلزله سینه خاطیر اوره گیمه گلن سوزلریم.
منیم وطنداشلاریم بیز سیزین حالیزی هامیدان یاخچی بیلیریک نئیه کی بیزیم ده باشیمیزه تاریم (طارمدن)۳۱/۳/ ۱۳۶۹ اینجی ایلده یاری گئجه کی هامی یوخودایدی بو مصیبت گلیب و بیلیریخ کی نه حالداسیز .وحشت آدامی آز قالیردی اولدورا.داها نه سویله ییم عزیزلاریم . من چوخ یاخچی بیلیرم کی سیزلرین باشیزه ده نه گتیریب زلزله سیزه قوربان من اوتوروب آغلیرام بیزیم ائوده نه ایتیریب زلزله سیزین کندیز منیم ده کندیم اوشدو سیزین روحوز بیزیم روحو موز اوچدو ائو اوبامیز سیزین کی تکین اوشدو اوره کلره غم یئتیریب زلزله آتا آنا قارداش باجی آی آلله کورپه اوشاق دای کی گئتدی وای آلله باشیمیزه گلنلری سای آلله گور ائلیمده نه بیتیریب زلزله ورزقاندان آمرود ساتان دا گلمه ز باغلاریندا آغاجلار دا اگیلمه ز شهریارین شعرینی کیمسه بیلمه ز وار و یوخو دای ایتیریب زلزله چیخماق بولاق کندی باتیب توپراقا هریس دن دا یول قاریشیب یولاقا چوخ آنانین گوزودوندو بولاغا ائل اوبامی زار ائیله ییب زلزله
[ سه شنبه بیست و چهارم مرداد 1391 ] [ 13:0 ] [ سیدجهانبخش شفیعی ]
بیر شعر حضرت علی (ع)مدحیندن دگرلی و درین دویغولو شاعیردوستوم هوشنگ باقری جنابلاریندن (حیران )تخلصینه علی دوردور علی گوهر علی زر علی دیر شهر علمه بیر آچیق در علی هم فاتح دل همده خیبر علی جانم علی جانم علی جان علی هم عدلدیر همده عدالت علی هم صدقدیر همده صداقت علی هم دیندیر همده امامت علی جانم علی جانم علی جان علی قرآن علی نهج البلاغه علی نین سوزلری بنزر چراغه علی نین ذکریدیر قوت ایاقه علی جانم علی جانم علی جان [ یکشنبه بیست و دوم مرداد 1391 ] [ 10:12 ] [ سیدجهانبخش شفیعی ]
از فلق تا شفق پر زخون شد آسمان بر زمین واژگون شد
گونروید دگر لاله از دشت مسجد کوفه خود لاله گون شد وا حسین و حسن ناله کردند رنگ زینب زغم نیلگون شد ای یتیم عرب ناله ها کن شیر نان آورت غرق خون شد قاتل شاه دین عدل او شد کاخ عدل بعد شه سرنگون شد شیر حق گفته فزت و و رب آنزمان که تنش غرق خون شد لافتی جز علی گفته الله این فتی اینچنین آزمون شد یاعلی یاعلی یاعلی گو نام او شیعه را رهنمون شد بر(جهانبخش) علی کن شفاعت آنزمان کاو به دوزخ نگون شد
[ شنبه بیست و یکم مرداد 1391 ] [ 13:28 ] [ سیدجهانبخش شفیعی ]
دئییللر اونا دئ دانماسین عهدین
من دئیه بیلمه رم سیز اونا دئیین دئییللر دئگینن تک قالار آخیر من دئیه بیلمه رم سیز اونا دئیین دئییللر اونا دئ اوتوشار زامان سنین اینجه بئلین تئز اولار کامان بیر گون دانیشدیقین آه اولار آمان من دئیه بیلمه رم سیز اونا دئیین دئییللر دئگینن عاقیللی دولان تر تمیز گولیدین اولموشان سولان یادلاری ائیله مه سن بیزه گولان من دئیه بیلمه رم سیز اونا دئیین دئییللر دئگینن دای نه من نه سن اگر چوخ دانیشیب مغزیمی یه سن یاداکی ائل سوزون یادلارا دئسه ن من دئیه بیلمه رم سیز اونا دئیین دئییللر دئگینن خلقیله دولان ائیله مه یادلاری سن بیزه گولان بیر گون آدلانار سن ذلفینی یولان من دئیه بیلمه رم سیز اونا دئیین [ دوشنبه شانزدهم مرداد 1391 ] [ 14:19 ] [ سیدجهانبخش شفیعی ]
آنلاماز آدامی دوشونماز دوستو
قوی گئده باشینین پیکارینه یه یاخچیلیق یامانلیق آنلامییانی قوی گئده باشینین پیکارینه یه گوللرین یئرینه قانقال تیکانین شکیلین دفترده یازیب چکانین سوزونه تاپمییان یئرین مکانین قوی گئده باشینین پیکارینه یه او کس کی ساخلاماز حورمت تیکه یه نه قانار اوشاقا نه ده یئکه یه نادوز عملیله گئده ر مکه یه قوی گئده باشینین پیکارینه یه [ چهارشنبه چهارم مرداد 1391 ] [ 9:47 ] [ سیدجهانبخش شفیعی ]
من بیر نئچه گونودو شعیر یازمیردیم آزجا ناراحت لیقیم واریدی و بوتون شعر عالمیند اوزومو اوزاقا چکمیشیدیم و او گونلردن منیم ائستکلی دوست و اوستادیم دوکتور یونس قاسمی کی قارداش کیمین اورییمده یئری وار بیربند قوشما شعر منه مسیج ائیله دی و منده خراب حالیمه گوره جاواب وئره بیلمه دیم آنجاق ایکی بند گونده ره ندن سونرا ائله بیل بولاغین قاباقیی آچیلیب و طبعیمی بولاق کیمین جوشدوردو .بیر بند قوشما شعرینه مسیجه جاواب یوللادیم . و آشاقیدا گله ن شعر بیزیم بیربیریمیزه یوللادیق مسیجلردیلر کی ائله او واقتدن و او آندان یازیلیب . دوکتور: آچارام اوره کدن دوگون سوزلری سن گتیر یوخاری او گون سوزلری درد و غم باسیبدی بو گون سوزلری گل یازاق بیز باشدان باشا قوشمانی من جاوابینی ناراحتلیقیمه گوره وئره بیلمه دیم دوباره دوکتور بئله یازیب یوللادی
ادامه مطلب [ یکشنبه هجدهم تیر 1391 ] [ 14:13 ] [ سیدجهانبخش شفیعی ]
آقای هوشنگ باقری (حیران تخلصینه ) یوردوموزون چوخ جوان،استعدادلی ،ادبلی،ظریف و احساسلی یازیچی لریمیزدن بیری دیر کی آنا دیلیمیزدن شعر یازیب ، شعری دوز یازیب و دوزلو یازیر. عومور اولسون انشالله گله جکده بو شاعیرین آیری اثرلرینده بو وبلاگده گتیره جه یم .
گورنده خیالیم اوچور اوزاقا دیلینده دانیشان سوزو گوزلدی کوسنده دونورام سویوخ بیر بوزا بختیم تک قارادی گوزو گوزلدی گورن اوخدی کیپریکدی یا کی قاشدی گوره نین دائما گوزلری یاشدی قوپارددی جسمیدن کونلومو قاشدی مارال کیمین سالان ایزی گوزلدی (حیران) قالیب حیران سنین اوزونه چاتا بیلمز جیران سنون حوسنون توخونماسین هجران سنین دوزونه گوزللیک یارادان اوزو گوزلدی
[ شنبه دهم تیر 1391 ] [ 11:3 ] [ سیدجهانبخش شفیعی ]
باید که تورا قدر بدانند معلم جایت ز همه صدر بدانند معلم
در مدرسه گر جمله رفیقان هلالند باید که تو را بدر بدانند معلم تقدیم به معلمینی که به معنای واقعی کلمه معلم بودند و هستند ایللر بویو دنیاجه سنه حرمتیم اولسون ائللرده بو عشق اوسته منیم شهرتیم اولسون سندن ساری چون آخدی منه علمیله حکمت بوندان یوخاری ائسته مه رم ثروتیم اولسون آلچاق گوزیله باخدی سنین شانیوه هرکیم البته کی تکلیفیدی اوندان منیم اوز نفرتیم اولسون
[ دوشنبه یازدهم اردیبهشت 1391 ] [ 15:44 ] [ سیدجهانبخش شفیعی ]
ازلده ن خوش گونا حسرت قالمیشام یازیمی یازاندان گیله م وار منیم عومرومون باهارین گورمه میشام من یامان قیشم اولور چیلله م وار منیم بیر الیم چاتایدی یازی یازانا دئیه ر دیم عومرومدن گلیب یازا نه ؟ آخشامدان تا سحر وقت آذانه گوزومدان توکولان گیلله م وار منیم جهانبخش ائتمه سین گیله نئیله سین ساراسین وئرمه سین سئله نئیله سین بو اسه ن کولکه یئله نئیله سین قاباقدان پیس گونلر بیلله م وار منیم
[ جمعه پنجم اسفند 1390 ] [ 0:19 ] [ سیدجهانبخش شفیعی ]
آ قارداشلار آ یولداشلار
آند اولا گویده خالیقا سئوینمه رم من هئچ زامان تک قالماقا آیریلیقا آمما دونیا ائله ائدیب من کیمین بیچاره گیدیب قارانلیقدا چاره قیلیب میل ائدیره م قارالیقا اوزوم دئدیم سئودیگیمه اوزومه جان بیلدیگیمه یاخین دوشمه اوره گیمه گلیب دوشما یارالیقا غم ییمه رم دنیا ایچین سیز آللهیز منده گئچین بنزر دونیا منیمیچین بیرپالچیقا قارالیقا جهانبخشم قلبیم یارا دردیمه تاپمارام چارا یامان دوشدوم آها زارا چوخ پیس دوشدوم آرالیقا بو شعری یازمادان اوره گیم یامان دولموشدو گلیب کامپیوتر دالیندا اوتوروب ائله بو ساعت بو آن بوشعری دئییب بوردا یازدیم عزیز اوخویانلار ایرادلریمه گوره عذر ائستیره م [ چهارشنبه بیست و ششم بهمن 1390 ] [ 21:47 ] [ سیدجهانبخش شفیعی ]
شعرین قالبی قوشما باشیمدن دولانان گور نه هاوادی برکت اوندادی درده داوادی یقین بیللم اوزو بتر آقادی آقالار آقاسی امام رضادی اوجالمیش گویلره شوخ قامتی وار یازیلمیش تاریخه اصالتی وار حقین ائسته گینه رضایتی وار اوندان اوترو آدی امام رضادی آلله وئردیگینه شکر ائدن انسان گئجه گوندوز تسبیح ذکر ائدن انسان درین محبته فکر ائدن انسان ذهنیندن دولانان امام رضادی [ سه شنبه چهارم بهمن 1390 ] [ 12:54 ] [ سیدجهانبخش شفیعی ]
مرحوم شیخ مصطفی ادیب طارمی فرزند مرحوم حسین ماجدی معروف به ادیب الشعرا میباشد که در شعرهایش به حزین تخلص می نمودند در صراحت لهجه ، خوش مشربی و بی پروایی وی نقلهای زیادی دهن به دهن گشته و بین مردم طارم و درمجالس دوستانه رد و بدل میگردد . سه دیوان زیبا از ایشان ادامه مطلب [ چهارشنبه سی ام آذر 1390 ] [ 14:15 ] [ سیدجهانبخش شفیعی ]
السلام علیک یااباعبداله الحسین
محشرگونو گر من سنی تاپسام نه غمیم وار ساننام کی دنیزدن دا منیم بیرجه گمیم وار [ شنبه دوازدهم آذر 1390 ] [ 20:23 ] [ سیدجهانبخش شفیعی ]
چنین دانم که فطرس از ملایک ز قدوسان حی ذوالممالک به روزی کندی از وی بر سر آمد خدا را خشمی از وی در بر آمد بدو گفتا که چون سستی نمودی به خشمم اینچنین ناگه فزودی ادامه مطلب [ شنبه دوازدهم آذر 1390 ] [ 20:18 ] [ سیدجهانبخش شفیعی ]
اثر شاعر بزرگ و توانای طارم جناب آقای عیسی احمدی طارمی
درباره شاعر : آقای عیسی احمدی معروف به میرزا عیسی یکی از شاعران بزرگ و دوست داشتنی و از پیش کسوتان عرصه علم وادب ،مرد بزرگوار و وطن دوستی هستد که سالهای سال به فکر مردم منطقه و یاری رساندن به آنان بوده است ادامه مطلب [ پنجشنبه بیست و ششم آبان 1390 ] [ 23:1 ] [ سیدجهانبخش شفیعی ]
[ چهارشنبه چهارم آبان 1390 ] [ 15:30 ] [ سیدجهانبخش شفیعی ]
سلام "سایین اوخوجولار، سئویملی دوستلاریم! منه باش چکدییینیزه گؤره مینتدارلیغیمی سیزه بیلدیرمه لییم. من بو بلوگو، بیری اوخویوب منی آلقیشلاسین دئیه آچمامیشام. ایسته ییره م مومکونسه منیم ایرادلاریمی منه گوشزد ائیلییه سیز اونا گوره بوتون دوستلار ین راهنمایلیقینه گوز تیکمیشم . ساق اولون [ یکشنبه بیست و چهارم مهر 1390 ] [ 11:39 ] [ سیدجهانبخش شفیعی ]
بوجاندان جانا گلدیم
نه پیس دورانا گلدیم غم غصه نی بولنده من تئز میدانه گلدیم *** گوزله سن آتما منی هر کسه ساتما منی گلدین گوردین اولموشم آغلیب اویاتما منی *** جوانلیقدان قوجایم قوجا اولسم نئجه یم اوباشدان کی آخشامم آخشام اولسا گئجه یم
[ دوشنبه یازدهم مهر 1390 ] [ 14:49 ] [ سیدجهانبخش شفیعی ]
کوچه ده گوردوم کی بیر اوغلان گلیر های و هو چیخدی کی شیر اوغلان گلیر من بئله بیلدیم کی پیر اوغلان گلیر هیکلی قرتی گیمه ییب باشماقی الینده گلمه ز دره دن قاشماقیادامه مطلب [ دوشنبه چهارم مهر 1390 ] [ 15:48 ] [ سیدجهانبخش شفیعی ]
شعر طارمدان اثر دکتر یونس قاسمی گؤزل چیخدی بو سؤز منیم تاریمدان سئویندیرن نیدا گلدی طاریمدان سؤیله گینن داغ باشیندا قاریمدان یادا گتیر توتلاریمدان،ساریمدان طاریمدان دئ، طاریمدان دئ، طاریمدان ادامه مطلب [ دوشنبه بیست و یکم شهریور 1390 ] [ 15:14 ] [ سیدجهانبخش شفیعی ]
اوشاق گلیر بو دنیایه آغلاییر
اوشاقکن بو ویرانه نی آنناییر اوزون نییه بورا گلیب دانناییر منده گلیب بو دنیانی داننادیم بالین گوروب بارماقیمی باللادیم قابل توجه دوستان اینکه هرنوزاد زمانی که از مادر متولد میشود در اولین بازدم به دلیل رشد ناکافی تارهای صوتی صدایی شبیه گریه کودک را تولید میکند وبند فوق به نوعی نگرشی شاعرانه و دیگرگون به این امر را نشان میدهد [ یکشنبه سیزدهم شهریور 1390 ] [ 12:48 ] [ سیدجهانبخش شفیعی ]
چقدر کوچه های خلوت بامدادی را
خیس گریه رفتم و در غم غروب باز ماندم و باز ماندم و باز ماندم [ شنبه بیست و پنجم تیر 1390 ] [ 15:23 ] [ سیدجهانبخش شفیعی ]
اویماق اویماق من ائللری دولاندیم
گوردوم باخیر چوخلی گوزلر طارمه اوز چورورام درگاهینه خالقین قویما دگسین یامان گوزلر طارمه لطفا جهت قرائت ادامه شعر برروی ادامه مطلب کلیک کنید ادامه مطلب [ سه شنبه هفتم تیر 1390 ] [ 11:29 ] [ سیدجهانبخش شفیعی ]
|
||
| [قالب وبلاگ : تمزها] [Weblog Themes By : themzha.com] | ||